Um okkur





Dóra Björk starfaði sem dagmóðir í 12 vetur og hafði saumað síðan hún var krakki. Fyrir jólin 2009 hannaði hún húfur og gaf daggæslubörnunum sínum og ungum ættingjum í jólagjöf. Viðbrögðin voru frábær!  Húfurnar reyndust enn betur en hún þorði að vona. Börnunum var alltaf hlýtt á höfðinu þegar þau voru úti, og allar áhyggjur af að þau svitnuðu í þeim voru algerlega óþarfar. Hvort sem hitastigið var í -10 eða +10 þá reyndust þær bara frábærar.

Dóra Björk notaði reynslu sína af samveru við yfir 100 ung börn og þekkingu á þörfum þeirra  við hönnun á fleiri vörum eins og vettlingahlífum, pollasokkum, kerrusvuntum, regnplöstum og smekkjum.   Við hönnun á öðrum vörum þar sem hennar eigin reynsla nýtist ekki hefur hún sótt í reynslubanka þeirra sem hafa hana á viðkomandi sviði. 

Daggæslan var kölluð Dóru-kot, og þar sem húfurnar eru upprunnar í daggæslunni ber framleiðslan sama nafn.  Dóra Björk leggur sömu alúð og hlýju í vöruhönnun sína og framleiðslu eins og hún lagði í daggæsluna.

Markmiðið er að framleiða vörur sem eru úthugsaðar, án þess að verða of flóknar og dýrar í framleiðslu.  Yfirbygging er líka höfð í lágmarki sem og auglýsingakostnaður og annar kostnaður svo mögulegt sé að halda vöruverði lágu, þrátt fyrir að vera að öllu leyti framleitt á Íslandi.

Síðan 2012 hefur saumastofan verið rekin samhliða versluninni Klæðakot í miðbæ Ísafjarðar ásamt saumastofunni Klæði. Þar seljum við fatnað frá Joha og Hummel. Hvort tveggja vönduð og góð merki á góðu verði.  Einnig erum við með allt garn, prjóna og aðrar vörur frá Drops.  Netverslun Klæðakots er www.klaedakot.is


Sendið okkur póst á:
doru-kot@simnet.is.
eða hringið í síma 866-4424